Nur-Sultanda jolaýshylar avtobýsy órtendi
NUR-SULTAN. QazAqparat – Nur-Sultanda jolaýshylar avtobýsy órtendi, dep habarlaıdy QazAqparat Tótenshe jaǵdaılar komıtetine silteme jasap.
Búgin saǵat 09:17-de Nur-Sultan qalasy «101» pýltine B.Momyshuly men Sátpaev kósheleriniń qıylysynda jolaýshylar avtobýsynyń órtengeni týraly habar tústi.
09:21-de alǵashqy órt sóndirýshiler jetken kezde avtobýstyń qozǵaltqyshy men artqy bóligi janyp jatqan. Salonda jolaýshylar bolmaǵan. Órt 09:31-de sóndirildi. Ony sóndirýge elordalyq TJD jeke quramynan 13 adam men 2 tehnıka tartyldy.
Eske sala keteıik, búgin Almatydaǵy ál-Farabı dańǵylynda da №32 baǵyttaǵy avtobýs janyp ketken bolatyn.
