Nur-Sultanda jetkinshekti soqqyǵa jyqqan er adam qylmystyq jaýapqa tartylady
NUR-SULTAN. QazAqparat - Nur-Sultanda jetkinshekti soqqyǵa jyqqan er adamdy qylmystyq jaýapqa tartylady, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.
Bıylǵy jyldyń 28 mamyrynda saǵat 21:35 kezinde «102» nómirine Baraev kóshesiniń boıyndaǵy úılerdiń biriniń aýlasynda beıtanys er adam jasóspirimdi soqqyǵa jyqqany týraly habar túsken.
Osy oqıǵa boıynsha polıtsııaǵa 36 jastaǵy qala turǵyny jetkizildi. Onyń aıtýynsha, sol kúni betin qan basqan 10 jastaǵy qyzy úıine kelip, aýlada 13 jastaǵy balanyń onyń betinen doppen tepkenin aıtyp shaǵymdanǵan.
Buny estigen qyzdyń ákesi aýlaǵa shyǵyp, qyzyna tıisken jetkinshekti uryp jibergen. Jetkinshek aýrýhanaǵa jatqyzylǵan.
Osy oqıǵa boıynsha qylmystyq is qozǵaldy.
«Nur-Sultan qalasynyń Polıtsııa departamenti eresekter tarapynan mundaı áreketterge jol berilmeıtinin eskertedi. Qoldanystaǵy zańǵa sáıkes, balalardyń quqyqtaryn buzý jáne olardyń densaýlyǵyna zıyn keltirgeni úshin jaýapkershilik qarastyrylǵan»,-delingen Polıtsııa departamentiniń baspasóz qyzmeti taratqan aqparatta.
