Nur-Sultanda jeńil kólik mototsıklmen soqtyǵysyp, 1 adam mert boldy
NUR-SULTAN. QazAqparat – Nur-Sultanda jeńil kólik mototsıklmen soqtyǵysyp, 1 adam mert boldy, dep habarlaıdy QazAqparat Nur-Sultan qalasynyń Polıtsııa departamenti baspasóz qyzmetine siltem jasap.
Baspasóz qyzmetiniń derekterine qaraǵanda, 17 qazan kúni saǵat 16:54 shamasynda «Daewoo Nexıa» kóliginiń júrgizýshisi Abylaı han dańǵylymen ketip bara jatyp, Jansúgirov kóshesimen qıylysatyn tusta mototsıklmen soqtyǵysqan. Sonyń saldarynan mototsıkldiń júrgizýshisi oqıǵa ornynda mert boldy.
Osy oqıǵa boıyna sotqa deıingi tekserý bastaldy.
Polıtsııa departamenti júrgizýshilerge jolda óte saq bolyp jol erejesin qatań saqtaý kerektigin eskertedi.
