Nur-Sultanda jeke garaj avtokólikterimen birge órtendi
NUR-SULTAN. QazAqparat - Astanalyq Tótenshe jaǵdaılar departamentiniń 60 órt sóndirýshisi jeke garajdaǵy órtti sóndirip jatyr, dep habarlaıdy QazAqparat tilshisi.
«30 jeltoqsan kúni saǵat 10:42-de Nur-Sultan qalasynyń TJ departamentiniń órt sóndirýshileri Chellıýskıntsev, 73 mekenjaıyndaǵy órtti sóndirýge attandy. Saǵat 10:50-de oqıǵa ornyna kelgende eki qabatty jeke úı mańyna salynǵan garajdyń órtengeni anyqtaldy. Aýmaǵy shamamen 200 sharshy metr bolatyn garaj ishinde avtokólikter bolǵan», - dep habarlady elordalyq TJD baspasóz qyzmeti.
Qazirgi ýaqytta órt ornynda Nur-Sultan qalasy TJD jeke quramdaǵy 60 adam jáne 13 tehnıka jumys istep jatyr. Zardap shekkender men qaza tapqandar joq. Órt shamamen saǵat 11:18-de oqshaýlandy, 11:24-te sóndirildi.
