Nur-Sultanda jedel járdem shaqyrýshylar sany kúrt ósti
NUR-SULTAN. QazAqparat – Elordada jedel járdem bazasyndaǵy koll-ortalyqqa júginýshiler sany kúrt ósti. Bul týraly Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qısyqova aıtyp berdi, dep habarlaıdy QazAqparat tilshisi.
«Koll-ortalyqqa habarlasatyndar sany 3-4 esege deıin artty. Ótken táýlikte 3 800 qońyraý tirkelip, 2 728 adamǵa qyzmet kórsetildi. Munda da 2,5 ese ósim baıqalady», - dedi spıker Ortalyq kommýnıkatsııalar qyzmetinde ótken onlaın brıfıngte.
Basqarma basshysynyń aıtýynsha, ınfektsııalyq jáne provızorlyq statsıonarlardy ottegi kontsentrattarymen jáne ózge de medıtsınalyq quraldarmen jabdyqtaý jumystary júrip jatyr.
«Barlyq medıtsınalyq uıymdar jeke qorǵanys quraldarymen qamtamasyz etilgen. Dárilik preparattar da jetkilikti kólemde bar», - dedi C. Qısyqova.
