Nur-Sultanda jedel járdem shaqyrýshylar sany 2 ese artty – basqarma

NUR-SULTAN. QazAqparat – Elordada jedel járdem qyzmetine júginýshilerdiń sany artyp otyr. Kúnine patsıentterden 2500 shaqyrtý túsip jatyr. Bul derekti Nur-Sultan qalasy qoǵamdyq densaýlyq saqtaý basqarmasy basshysynyń orynbasary Álııa Rústemova rastap otyr, dep habarlaıdy QazAqparat tilshisi.

«Elordadaǵy epıdemologııalyq jaǵdaıdyń nasharlaı túsýine sebep - jańa jyldaǵy qydyrys pen karantın talaptarynyń saqtalmaýy. Osyǵan oraı qazirgi ýaqytta jedel járdem men mobıldi brıgadalardyń jumysy qaýyrt bolyp jatyr. Naqty aıtsaq, qalada jedel járdem qyzmetin shaqyrtý 2 ese artty. ıAǵnı, kúnine 2500 shaqyrtý túsedi. Al mobıldi brıgada táýligine 1000-1200 shaqyrtý alyp, úı aralap júr. Búginde elordada 5 myńnan astam patsıent ambýlatorııalyq em alyp jatyr», - dedi Álııa Rústemova qala ákimdiginde onlaın ótken baspasóz máslıhatynda.

Sondaı-aq, densaýlyq saqtaý basqarmasy basshysynyń orynbasary astanalyqtardy karantın talaptaryn saqtaýǵa jáne indetke qarsy vaktsına alýǵa shaqyrdy.

«Koronavırýspen kúreste vaktsınanyń tıimdi ekenin álemdik tájirıbe kórsetip otyr. Іndetti eńserýdiń jalǵyz ǵana joly bar. Ol - saqtaný jáne ekpe alý», - deıdi ol.

Buǵan deıin Nur-Sultan qalasynda koronavırýs indetiniń kúrt ósýine baılanysty birneshe sala qyzmeti jabylyp, kópshiliktiń jınalýyna tyıym salynǵanyn habarlaǵan edik.