Nur-Sultanda jedel járdem shaqyrtý azaıdy
«Búginde elorda koronavırýsty juqtyrý áli de «qyzyl aımaqta». Epıdemıologııalyq ahýaldyń biraz jaqsarýyna qaramastan, vırýstyń beti qaıtpaı jatyr. Bıylǵy 3 qyrkúıektegi málimetke sáıkes, ınfektsııalyq statsıonarlarda 1 484 naýqas emdelip jatyr, bul tósek-oryn júktemesiniń 41 paıyzy. Qazirgi ýaqytta naýqastardyń sany birshama azaıdy. Eger de tamyz aıynda aýyryp jatqandardyń sany 2900-ge deıin jetse, qazir eki ese az», - dedi Jeleýhan Primqulov onlaın brıfıngide.
Onyń aıtýynsha, sońǵy aptada jańa tirkelgen jaǵdaılarynyń sany kúnine orta eseppen 470-ti quraıdy (tamyzdyń birinshi onkúndiginde 1300 -den asqan edi). Ótken táýlikte 384 jańa jaǵdaı tirkeldi.
Sondaı-aq, reanımatsııalyq tósek-oryndardyń júktemesi azaıdy. Búgin reanımatsııa bólimshesinde 153 naýqas jatyr. Jaz aılarynda mundaǵy naýqastardyń sany 230 jáne odan joǵary bolatyn.
«Alǵashqy medıtsınalyq-sanıtarııalyq kómek uıymdaryndaǵy mobıldi brıgadalar men jedel járdem stantsııasyna da júkteme azaıdy. Máselen, eger jazda jedel járdemge qońyraýlar sany 4 myńǵa jetse, qazir 2400 bolyp otyr», - dedi basqarma ókili.