Nur-Sultanda jasyl jobalar boıynsha ǵylymı-tehnıkalyq keńestiń alǵashqy otyrysy ótti
NUR-SULTAN. QazAqparat - Halyqaralyq jasyl tehnologııalar men ınvestıtsııalyq jobalar ortalyǵy (IGTIC) jasyl jobalar boıynsha ǵylymı-tehnıkalyq keńestiń (ǴTK) alǵashqy otyrysyn ótkizdi, dep habarlaıdy QazAqparat tilshisi.
Tómen kómirtekti ekonomıkany damytý jónindegi aýqymdy mindetterge súıene otyryp, Halyqaralyq jasyl tehnologııalar jáne ınvestıtsııalyq jobalar ortalyǵy «Qaldyqtardy basqarý», «Turaqty energoresýrstar», «Ornyqty qala (jasyl ınfraqurylym)», «Turaqty aýyl sharýashylyǵy», «Ekologııa, qorshaǵan ortany qorǵaý» baǵyttary boıynsha jumys júrgizetin Ǵylymı-tehnıkalyq keńes (ǴTK) quryp otyr. ǴTK qoldanystaǵy tehnologııalardyń qanshalyqty tıimdi ekenin, olardyń jergilikti jaǵdaılarǵa beıimdelýin baǵalaıdy.
Osylaısha, ınvestorlar men jobalarǵa ótinish berýshiler (bastamashylar) úshin biryńǵaı tereze qurylady.
«Bul tıimdi ári paıdaly alań bolatynyna sengimiz keledi. Іs júzinde jumystyń qalaı órbıtinin kóremiz, sebebi ǴTK-da Úkimetke tikeleı shyǵa alatyn adamdar bar. Olar arqyly memlekettiń joǵarǵy sheneýnikterimen dıalog júrgizýge bolady. Demek, olardyń múmkindikteri bar, sondyqtan biz osy adamdar arqyly efırge shyǵyp, suraqtar qoıa alamyz. Keńestiń eki mindeti bolýy kerek. Birinshisi - bar problemalardy anyqtaý jáne olardy sheshýdiń joldaryn usyný. Ekinshisi - eń tıimdi jobalardy tańdap, olardy is júzine asyrý. Sonda bul keńes paıdaly bolary anyq», - deıdi Halyqaralyq balamaly energııa sarapshysy, L.Gýmılev atyndaǵy EUÝ-dyń Innovatsııalyq parkiniń dırektory Vladımır Kım.
Qazirgi ýaqytta IGTIC-ǵa jasyl ekonomıka salasynda, sondaı-aq, aýyl sharýashylyǵy, qatty turmystyq qaldyqtardy qaıta óńdeý jáne kádege jaratý (QTQ), JEK, geotermaldyq jáne gıdroenergetıka, bıogaz sııaqty 300 joba qabyldanyp otyr.
ǴTK-ny qurý qajettiliginiń biri - ekologııa áli de ǵylymı basym baǵyttyń biri retinde usynylmaǵan. Máselen, Qazaqstan Respýblıkasy Bilim jáne ǵylym mınıstrliginiń baıqaýlaryn taldaý nátıjeleri boıynsha, sońǵy 5 jylda aýanyń lastanýyn azaıtý úshin tek 16 joba qarjylandyrylǵan.
Táýelsiz saraptama komıssııasynyń quramyna mashına jasaý salasyndaǵy jetekshi ǵalymdar, «Bolashaq» baǵdarlamasy boıynsha taǵylymdamadan ótken jas mamandar, iri óndiris mamandary, «Atameken» UKP bıznes ókilderi, memlekettik qyzmetkerler, QR Parlament Májilisi men Senatynyń ókilderi kirdi.
