Nur-Sultanda jasóspirimder teatr kúzetshisin soqqyǵa jyqty
NUR-SULTAN. QazAqparat – Elordanyń «102» nómirine kámelet jasyna tolmaǵandardyń Qonaev kóshesinde teatr kúzetshisin soqqyǵa jyqqany týraly habarlama kelip tústi, dep habarlaıdy QazAqparat Nur-Sultan qalasy polıtsııa departamentine silteme jasap.
Oqıǵanyń mán-jaıyn anyqtaý barysynda 14-16 jastaǵy jasóspirimderdiń saǵat 18:30 shamasynda teatr janyndaǵy alańǵa kelip, skeıt tepkeni anyqtaldy.
Teatr kúzetshisi balalardyń janyna kelip, olarǵa eskertý jasaǵan. Jasóspirimder kúzetshiniń sózine qulaq aspaı, ony balaǵattap jiberdi.
Sol kezde er adam olardyń biriniń sómkesi men skeıtin qolyna alyp, polıtsııany shaqyrmaq boldy. Jasóspirimder ony jan-jaqtan soqqyǵa jyqty.
«Esil» aýdandyq polıtsııa basqarmasynyń qyzmetkerleri oqıǵanyń barlyq qatysýshylaryn polıtsııa bólimine jetkizdi.
Qazirgi kezde atalǵan fakti boıynsha «Buzaqylyq» faktisi boıynsha qylmystyq is qozǵalǵan. Kámelettik zjasqa tolmaǵandar polıtsııanyń arnaıy esebine alyndy.
Olardyń ata-anasyna qatysty QR Ákimshilik quqyq buzý kodeksiniń 127-baby boıynsha ákimshilik hattama toltyryldy.
Nur-Sultan qalasynyń polıtsııa departamenti ata-analardy balalarynyń júris-turysyn qadaǵalap, zańǵa qaıshy áreketterdi jasaý úshin artylatyn jaýapkershilikti túsindirý qajettigin eskertedi.
