Nur-Sultanda jasóspirim qyzdy tańǵy júgirý kezinde tonap ketti

NUR-SULTAN. QazAqparat – Tańerteń er adam kámeletke tolmaǵan boıjetkendi tonap ketti, dep habarlaıdy QazAqparat Nur-Sultan qalasy PD baspasóz qyzmetine silteme jasap.

25 shilde kúni saǵat tańǵy 05:30-da stantsıonarlyq bekettegi patrýl polıtsııa polkiniń qyzmetkerine 17 jastaǵy boıjetken shaǵymdanǵan.

Ol tańǵy júgirý kezinde belgisiz er adamnyń tap berip, «IPhone 8+» telefony men sómkesin ala jónelgenin aıtqan.

Kúdiktiniń belgileri anyqtaldy. Polıtsııa jasaqtary aýdannyń jyqpyl-jyqpylyn tekserip shyqty.

Qylmysker qonaqúı avtoturaǵynda ustaldy, qashpaq bolǵan. Ol 42 jastaǵy Aqmola oblysynyń turǵyny bolyp shyqty.

Atalmysh fakti boıynsha qylmystyq is qozǵaldy.

QR QK «Tonaý» baby boıynsha tergeý júrgizilýde.

Ustalǵan er adamnyń astana aýmaǵyndaǵy osyǵan uqsas qylmystarǵa qatysy bar-joǵy anyqtalyp jatyr.