Nur-Sultanda jáne taǵy eki óńirde aýa raıyna baılanysty eskertý jarııalandy
NUR-SULTAN. QazAqparat – Nur-Sultanda, Aqmola jáne Qyzylorda oblystarynda aýa raıynyń qubylýyna baılanysty eskertý jarııalandy, dep habarlaıdy QazAqparat «Qazgıdromet» RMK-ge silteme jasap.
Aqmola oblysynda 16 maýsymda kún kúrkirep, naızaǵaı oınaýy múmkin, sekýndyna 15-20 metr jyldamdyqpen soltústik-batystan jel soǵady. Oblystyń kóp bóliginde órt qaýiptiliginiń tótenshe deńgeıi saqtalady.
Nur-Sultanda 16 maýsym tańerteń jáne kúndiz 15-20 m/s jyldamdyqpen soltústik-batystan jel soǵýy múmkin.
Qyzylorda oblysynda 16 maýsymda soltústik-batystan, soltústikten soqqan jel jalǵasady. Keı jerlerde jeldiń jyldamdyǵy sekýndyna 23 metrge deıin jetip, shańdy boranǵa ulasýy múmkin.
Qyzylordada 16 maýsym kúni shańdy daýyl turady, soltústik-batystan 15-20 m/s jyldamdyqpen jel soǵady.
