Nur-Sultanda jáne taǵy eki qalada aýa sapasy nasharlaıdy
NUR-SULTAN. QazAqparat – «Qazgıdromet» RMK 31 qazan kúni elimiz qalalarynda qalyptasatyn meteorologııalyq ahýal týraly aıtty, dep habarlaıdy QazAqparat.
Sınoptıkter málimetinshe, búgin Shymkent jáne Nur-Sultan qalalarynda, sondaı-aq Qaraǵandy oblysynyń Balqash qalasynda atmosferalyq aýanyń qolaısyz meteorologııalyq jaǵdaıy kútiledi.
Ózge shaharlarda aýa sapasy norma sheginde bolady. Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
