Nur-Sultanda jáne bes oblysta aýa raıyna baılanysty eskertý jarııalandy
NUR-SULTAN. QazAqparat – Aqmola, Qyzylorda, Túrkistan, Qostanaı, Mańǵystaý oblystarynda jáne astanada aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
14-15 tamyz kúnderi Aqmola oblysynyń keı jerlerinde naızaǵaı oınap, burshaq jaýýy múmkin, jel ońtústik-batystan, soltústikten 15-20 m/s jyldamdyqpen soǵady, 15 tamyz kúni kúndiz jeldiń ekpini 25 m/s-qa jetedi.
Nur-Sultanda 14-15 tamyz kúnderi naızaǵaı oınaıdy. 15 kúni kúndiz burshaq jaýýy yqtımal, jel soltústik-batystan 15-20 m/s jyldamdyqpen soǵady.
14 tamyzda Qyzylorda oblysynyń keı jerlerinde jel batystan, soltústik-batystan sekýndyna 15-20 metr jyldamdyqpen soǵady, kúndiz keı jerlerde shańdy daýyl turýy múmkin.
14 tamyz kúni Túrkistan oblysynyń keı jerlerinde naızaǵaı oınap, shańdy daýyl turýy yqtımal, jel batystan 15-20 m/s jyldamdyqpen soǵady.
14 tamyzda Qostanaı oblysynyń keı jerlerinde naızaǵaı oınaıdy, jel aldymen batystan, artynsha soltústik-shyǵystan 15-20 m/s jyldamdyqpen soǵady. Kúndiz keı jerlerde burshaq jaýady.
14 tamyz kúni Mańǵystaý oblysynyń keı jerlerinde soltústik-batystan sekýndyna 15-20 metr jyldamdyqpen jel soǵyp, shańdy daýyl turýy múmkin.
