Nur-Sultanda jańajyldyq korporatıv keshter ótpeıdi – Altaı Kólginov

NUR-SULTAN. QazAqparat – Nur-Sultanda jańajyldyq korporatıvtik keshter ótpeıdi. Bul týraly Nur-Sultan qalasynyń ákimi Altaı Kólginov aıtyp berdi, dep habarlaıdy QazAqparat tilshisi.

«Jańa jylda korporatıvtik keshter ótkizbeýimiz kerek. Barlyq kásiporynǵa úndeý jasaǵym keledi: áriptester keshin ótkizbeńizder, sanıtarlar buǵan tyıym salyp otyr. Ásirese kafe-meıramhanalar muny ótkizbeýi kerek, ol úshin jaýapkershilik kózdeledi. Mysaly, bul tyıymdy elemeıtin meıramhanalar men túngi klýbtar bar. Olarǵa birneshe ret aıyppul salyndy. Biraq, olar úshin aıyppul somasy túk bolmaı shyqty, senesizder me? Olar kelýshilerge qaýip tóndirip otyr. Sondyqtan quqyq qorǵaý qyzmeti men sot organdaryna ákimshilik jabý tásilin qoldanýǵa qoldanýǵa týra keldi», - dedi ákim Ortalyq kommýnıkatsııalar qyzmetinde ótken brıfıngte.

«Biz bir-birimizdi, ásirese úlkenderdi, jaqyndarymyz ben týystarymyzdy saqtaýymyz kerek. Jazda qandaı qıyn jaǵdaı bolǵanyn kórdińizder. Al qazir kórshi elderde, Eýropada taǵy da lokdaýn jarııalanǵanyn kórip otyrmyz. Biz kún saıyn jańalyqtardy qarap, qandaı shekteý sharalary bar ekenin, ınfektsııa kóbeıgen elder qandaı sheshim qabyldaǵanyn tekseremiz. Sondyqtan, jańa jylda adamdar ózderine qater tóndirmeý úıde bolǵany durys, bul otbasylyq mereke, al korporatıvtik keshter ótkizilmeıdi jáne jappaı serýendeý de bolmaıdy», -- dedi Altaı Kólginov.

Buǵan deıin elorda ákimi 15 myńnan astam turǵynnyń COVID-19 indetinen emdelip shyqqanyn aıtqan edi.

Qala basshysy aldaǵy merekelerdi otbasymen ótkizýge keńes berdi.