Nur-Sultanda jańa qala mańy baǵdary iske qosylady
NUR-SULTAN. QazAqparat - Jańa jyl qarsańynda elordaǵa jaqyn mańdaǵy Talapker kentiniń turǵyndary jaqsy jańalyq estidi – jańa qala mańy marshrýty iske qosylady, dep habarlaıdy QazAqparat Astana LRT-ǵa silteme jasap.
Erteń, 2019 jyldyń 31 jeltoqsanynda №326 jańa qala mańy baǵdary iske qosylady.
Bul baǵdardaǵy júretin avtobýstar «Aqan seri kóshesi» aıaldamasynan Talapker aýylyna deıin qatynaıdy.
№326 baǵdar Talapker aýylyndaǵy myna aıaldamalarǵa toqtaıdy: «M.Mámetova kóshesi», «Ál-Farabı kóshesi», «Dostyq kóshesi» jáne «№4 modýl».
Marshrýttyń qozǵalys úlgisimen tómendegi siltemege ótip tanysa alasyzdar.
