Nur-Sultanda Jambyl Jabaev mýzeıiniń ekspozıtsııasy qoıyldy
Jańa teatr foıesinde uıymdastyrylǵan kórmede uly aqynnyń tutynǵan jeke zattary, syılanǵan syı-sııapattary men fotoestelikter qoıylǵan.
Jambyl Jabaev atyndaǵy mýzeıdiń meńgerýshisi, aqynnyń tikeleı urpaǵy, nemeresi Saltanat Jambylova mýzeı tarıhyn aıtyp berdi.
«Búgin elorda tórinde Jambyl atamyzǵa úlken qurmet kórsetilip otyr. Osy jıynǵa biz de qur alaqan kelmeı, Jambyl atamyzdyń óz aýylyndaǵy mýzeıinen jádigerler ákeldik. Bul mýzeı atamyz turǵan úıde ashylǵan, 92 jasynda Úkimet atamyzǵa 12 bólmeli úı salyp bergen eken. Odan bolashaqta mýzeı jasaý maqsaty bolǵan shyǵar. Atamyz ol úıde 8 jyl turyp, 1945 jyly 22 maýsymda qaıtys boldy. 1946 jyly atanyń júz jyldyǵy toılanǵanda, Úkimettiń sheshimimen úlken úı mýzeı atandy. Bıyl atamyzdyń 175 jyldyǵy bolsa, mýzeıdiń qurylǵanyna 75 jyl tolyp otyr», - dedi Saltanat Jambylova QazAqparat tilshisine bergen suhbatynda.
Kórmede Jambyl Jabaevtyń kıgen kıimderin, ustanǵan zattaryn, kózi tirisinde syılanǵan syılyqtary kópshilikke usynylyp otyr.
Aıta keteıik, Qazaqstan Respýblıkasynyń Memlekettik hatshysy, mereıtoıdyń memlekettik komıssııasynyń tóraǵasy Qyrymbek Kósherbaev elordadaǵy Jambyl eskertkishine gúl shoqtaryn qoıǵan edi.
Búgin elimizdegi jáne shet elderdegi qalalar men eldimekenderde Jambyl Jabaevtyń eskertkishteri men bıýstterine gúl shoqtary qoıyldy, árqıly mádenı sharalar ótkizildi.
