Nur-Sultanda jalǵan kólik nómirimen júrgen adam ustaldy
NUR-SULTAN. QazAqparat – Elordada memlekettik jalǵan nómirmen júrgen Toyota kóliginiń júrgizýshisi ustaldy, dep habarlaıdy QazAqparat tilshisi.
«Keshki saǵat 20.00 shamasynda Táýelsizdik kóshesinde polıtsııa qyzmetkerleri júrgizýshini manevr jasaý erejelerin buzǵany úshin toqtatyp, sol arqyly Qazaqstan Respýblıkasynyń Ákimshilik kodeksiniń 595-babynyń talaptaryn buzǵanyn anyqtady», - dep habarlaıdy Nur-Sultan qalasy Polıtsııa departamentiniń baspasóz qyzmeti.
Baspasóz habarlamasynda jazylǵandaı, qujattardy tekserý barysynda qyzmetkerler júrgizýshiniń kólik quralyna jalǵan memlekettik tirkeý nómirin qoıǵanyn anyqtap,
QR ÁQBtK-niń 590-baby, 4-bóligi boıynsha bile tura jalǵan nemese jalǵan nómirlik belgileri bar avtokólikti basqarǵany úshin ákimshilik is qozǵaldy.
«Materıal protsessýaldyq sheshim qabyldaý úshin Nur-Sultan qalasynyń mamandandyrylǵan ákimshilik sotyna jiberildi. Kólik kommýnaldyq turaqqa ornatyldy. Júrgizýshige 20 aılyq eseptik kórsetkish mólsherinde aıyppul salynady nemese bir jyl merzimge kólik quraldaryn basqarý quqyǵynan aıyrylady», - delingen habarlamada.
