Nur-Sultanda xokkeıden Álem chempıonaty biregeı shoý-baǵdarlamamen ashylady
NUR-SULTAN. QazAqparat - Nur-Sultan qalasynda ótetin birinshi dıvızıondaǵy xokkeıden Álem chempıonaty tańǵalarlyq shoý-baǵdarlamamen ashylady, dep xabarlaıdy «SPORTINFORM» SAA.
Álem chempıonatyn uıymdastyrý komıtetiniń aqparatyna sáıkes, jankúıerler lazerlik shoý men 3D-tehnologııalardyń qoldanylýymen uıymdastyrylatyn biregeı ashylý saltanatyna kýá bolady. Týrnırdiń ashylý rásimi 29 sáýir kúni Nur-Sultan qalasynyń ýaqytymen 19:30-da «Barys Arenada» ótedi. Eske salaıyq, 20:00-de Qazaqstan men Slovenııa quramalarynyń matchy bastalady.
Birinshi dıvızıonda xokkeıden Álem chempıonaty Qazaqstanda alǵash ret ótip jatyr. Joǵarǵy dıvızıonǵa shyǵý úshin eki joldama sarapqa salynady. Oǵan alań ıeleri - Qazaqstan quramalarynan bólek, Slovenııa, Belarýs, Ońtústik Koreıa, Vengrııa jáne Lıtva quramalary talasady.
Buǵan deıin habarlaǵanymyzdaı, búgin ÁCh-ǵa qatysatyn QR Ulttyq quramasynyń músheleri belgili boldy.
Matchtardy «QAZSPORT» telearnasy tikeleı efırden kórsetedi.
Atalmysh álemdik sharaǵa oraı arnaıy fan-aımaq quryldy. Ol «Barys Arenaǵa» qarama-qarsy Turań dańǵylynyń boıynda «Astana Arena» kólik turaǵynda ornalasqan.
