Nur-Sultanda Walk the Talk aktsııasy ótedi
NUR-SULTAN. QazAqparat - Shara 72-shi Dúnıejúzilik densaýlyq saqtaý assambleıasy aıasynda 17 mamyrda Botanıkalyq baqta ótedi, dep habarlaıdy qalalyq ákimdiktiń resmı saıty.
Qatysýshylar 3 jáne 5 shaqyrymǵa júgirip, sondaı-aq skandınavııa júrisinen jarysqa qatysa alady.
«Saýyqtyrý júgirisine qatysýdan basqa, siz qan qysymyn ólsheı alasyz, qandaǵy glıýkoza men holesterın deńgeıin anyqtaı alasyz, durys tamaqtaný qaǵıdalary týraly, donorlyq ustanymdar týraly keńes alyp, AITV statýsynan ekspress test óte alasyz. Nusqaýshy shuǵyl jaǵdaılarda alǵashqy medıtsınalyq kómek kórsetý boıynsha sheberlik synybyn ótkizedi», - delingen salaýatty ómir saltyn qalyptastyrý ortalyǵynyń habarlamasynda.
Aktsııanyń maqsaty - densaýlyqty nyǵaıta otyryp, ómir súrý uzaqtyǵyn arttyrýdy belsendi nasıhattaý. Shara saǵat 15:00-den 17:00-ge deıin ótedi.
