Nur-Sultanda VAZ júrgizýshisi jaıaý júrginshini qaǵyp ketti
NUR-SULTAN. QazAqparat - Nur-Sultanda «VAZ 21140» júrgizýshisi jaıaý júrginshini qaǵyp ketti, dep habarlaıdy QazAqparat Nur-Sultan qalalyq PD baspasóz qyzmetine silteme jasap.
Keshki saǵat 19:26-da 37 jastaǵy «VAZ 21140» kóliginiń júrgizýshisi Qudaıberdiuly kóshesiniń boıymen kele jatyp, Jansúgirov kóshesimen qıylysta baǵdarshamnyń qyzyl túsine júrip, belgilengen jerden baǵdarshamnyń jasyl túsine joldan ótip bara jatqan jaıaý júrginshini qaǵyp ketti.
Jol-kólik oqıǵasy saldarynan 34 jastaǵy jaıaý júrginshi medıtsınalyq mekemege jetkizilip, tekserýden keıin úıine jiberildi. Qazirgi ýaqytta atalǵan fakti tergeý júrgizilip jatyr.
Nur-Sultan qalalyq polıtsııa departamenti aýa raıynyń nasharlaýyna baılanysty júrgizýshilerdi saq bolýǵa, jol erejesin buzbaýǵa shaqyrady.
