Nur-Sultanda vaktsınalanǵandar arasynda oınatylǵan syılyqtardyń jeńimpazdary anyqtaldy
Taǵy bes iPhone12 jáne basqa da baǵaly syılyqtardyń besinshi utys oıyny 7 tamyzda (senbi) saǵat 17:00-de Nur-Sultan qalasy ákimdiginiń áleýmettik paraqshalarynda (Facebook, YouTube) tikeleı efırde ótti. 5-shi utys oıynyna 28 shilde men 6 tamyz (qosa alǵanda) aralyǵynda ekpe alǵandar qatysty.
Bul utys oıyndaryna vaktsınatsııalaýdyń barlyq pýnktteri qatysady: medıtsınalyq mekemeler, saýda oıyn-saýyq ortalyqtary men saýda úıleri de. Utys oıynyna qatysý avtomatty túrde júzege asady, azamattarǵa qujattardy toltyryp, tirkelýdiń qajeti joq. Qala ákimdigi demeýshiler esebinen baǵaly syılyqtardyń utys oıyndaryn apta saıyn ótkizedi.
Osylaısha, besinshi utys oıynynyń jeńimpazdary: bes iPhone 12 - № 14674 – Nazgúl Tolqybekova, №1642 – Mıras Nógerbekov, №10104 –Qýanysh Súleıenov, №1055 – Aqmaral Qabsabyr, №10918 – Darhan Zýhýrnaev.
«Tehnodom» dúkeninen kir jýǵysh mashınany jeńip aldy: №691 – Irına Matveeva.
«Tehnodom» dúkeninen tońazytqyshty jeńip aldy: №6311 –Aıan Qabenova.
Birge platformasynda utys oıynynyń jeńimpazdaryn anyqtaý úshin (https://birge-elorda.kz/nur-sultan) arnaıy randomaızer servısi ornatylǵan, ol vaktsınalanǵandardyń ID-in generatsııalaý arqyly júldegerlerdi tańdaıdy. Ony ázirleýge IT-qaýymdastyq ta qatysty. Ekpe alǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.
Aıta keteıik, elordada azamattardy vaktsınalaýǵa yntalandyrý maqsatynda baǵaly syılyqtar oınatylady.
Sonymen qatar, ekpe alǵandar arasynda 2 bólmeli páter oınatylady. Osy jyldyń 25 maýsymy men 31 tamyzy aralyǵynda vaktsınanyń 1-shi komponentin alǵan 18 jastan asqan qala turǵyndarynyń elordada jyljymaıtyn múlikti utyp alý múmkindigi bar. Bul utys oıynyna vaktsınatsııanyń barlyq pýnktteri qatysady: medıtsınalyq mekemeler, saýda oıyn-saýyq ortalyqtary men saýda úıleri. Aıta ketý kerek, utys oıyndary demeýshilerdiń kómegimen ótkiziledi.
Sondaı-aq MEGA «Silk Way» saýda oıyn-saýy ortalyǵyndaǵy vaktsınatsııa pýnktinde 1-shi komponentpen vaktsınatsııalanǵandar arasynda avtomobıldiń utys oıyny jarııalandy.
Elordada ótkiziletin utys oıyndary azamattardy ekpe alýǵa yntalandyrý, osylaısha óziniń, jaqyndarynyń densaýlyǵyn saqtaý úshin uıymdastyrylady. Óıtkeni basty maqsat - ujymdyq ımmýnıtetti qalyptastyryp, burynǵy karantınge deıingi rejımge oralý. Ujymdyq ımmýnıtettiń úlesi 60% - dan asýy kerek.
