Nur-Sultanda vaktsına alǵandar jańa avtokólik utysyna qatysady
NUR-SULTAN. QazAqparat – Elorda ákimdigi men MEGA Silk Way saýda ortalyǵy «Vaktsına al - mashına utyp al» aktsııasyn bastady, dep habarlaıdy QazAqparat.
23 maýsym men 31 tamyz aralyǵynda «MEGA Silk Way» saýda jáne oıyn-saýyq ortalyǵynda COVID-19 vaktsınasynyń birinshi komponentin alatyn qazaqstandyqtar Hyundai Accent avtokóligi utysyna qatysa alady.
Fınaldyq utys oıyny 5 qyrkúıekte Instagram-daǵy «MEGA Silk Way» resmı akkaýntynyń tikeleı efırinde ótedi. Sonymen qatar, apta saıyn 23 maýsymnan 31 tamyzǵa deıin aralyq syılyqtar – turmystyq tehnıka, saýda sertıfıkattary jáne taǵy basqalar oınatylady.
«Bul aktsııanyń maqsaty – Qazaqstanda vaktsınalaý qarqynyn yntalandyrý, óıtkeni vaktsına - COVID-19-dan jalǵyz tıimdi qorǵanys. Mundaı aktsııalar ár túrli elderde sátti ótip jatyr, jaqynda vaktsına alǵandar arasynda Polsha, Taıland, AQSh, Reseı, Mońǵolııa, Serbııa, Indonezııa, Qytaı, Vengrııa, Izraıl jáne t. b. úkimetteri avtokólik utys oıyndaryn ótkize bastady», - dep jazdy Nur-Sultan qalasynyń ákimdigi.
«Vaktsına al — mashına utyp al» aktsııasy týraly tolyq aqparatty mega.kz saıtynan jáne MEGA-nyń áleýmettik jelilerdegi resmı akkaýnttarynan alýǵa bolady.
Budan basqa, «Azııa Park», «Mega Silk Way», «Saryarqa», «Ábý-Dabı Plaza», «Kerýen», «Eýrazııa» saýda ortalyqtarynda turmystyq jáne kompıýterlik tehnıka túrindegi baǵaly syılyqtar oınatylady jáne jeńildik kýpondary beriledi. Sondaı-aq, bul aktsııaǵa «Mechta» elektronıka jáne turmystyq tehnıka dúkenderiniń saýda jelisi qosylady.
