Nur-Sultanda vaktsına alǵandar arasynda taǵy da iPhone12 smartfony oınatyldy
NUR-SULTAn. QazAqparat - Nur-Sultanda vaktsınalanǵandar arasynda baǵaly syılyqtar oınatyldy. 7-16 shilde aralyǵynda vaktsınalanǵan azamattar kezekti eki iPhone12 jáne basqa da qundy syılyqtardyń ekinshi utys oıynyna qatysty, dep habarlaıdy qalalyq ákimdiktiń baspasóz qyzmeti.
Utys oıyny tikeleı efırde 17 shilde kúni (senbi) saǵat 17:00-de Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda ótti.
Nátıjesinde, Azamat Aqqoshqarov (№39137) jáne Sándigúl Igilikova (№13011) kezekti eki iPhone12 jeńimpazy atandy. Sol sııaqty «Sulpak» dúkeniniń tońazytqyshyn Nursulý Nurekeshova (№14964), «Sulpak» dúkeniniń teledıdaryn Nına Savıtskaıa (№14080), «Sulpak» dúkeniniń mıkrotolqyndy peshin Damır Nurjanov (№34262), «Mechta» dúkender jelisiniń Alısasy bar aqyldy kolonkasyn Rasýlbek Qýanyshbekov, «Mechta» dúkender jelisiniń ýltradybystyq ylǵaldandyrǵyshyn Dılıa Dýıesınova (№41207), «Belyı Veter» dúkeniniń beınetirkegishin Azamat Júnisbekov (№25842) aldy.
IPhone12 jáne basqa da qundy syılyqtardyń utys oıynyn elorda ákimdigi apta saıyn jazdyń sońyna deıin ótkizedi. Esterińizge sala keteıik, iPhone12 jáne basqa da qundy syılyqtardyń alǵashqy utys oıyny 9 shilde kúni ótken. Avtomatty utys oıynyna vaktsınatsııa bastalǵan sátten bastap qalada 6 shildege deıin (qosa alǵanda) vaktsınatsııalanǵandar qatysty.
Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan. Ol vaktsınatsııalanǵandar arasynda ID nómiri arqyly júlde ıelerin tańdaıdy. Ony ázirleýge IT-qaýymdastyq ta qatysty. Aıta ketý kerek, vaktsınatsııalanǵandar servısi QR Densaýlyq saqtaý mınıstrliginiń aqparattyq júıesimen biriktirilgen. Utys oıynyna vaktsına alǵandar avtomatty túrde qatysady. Oǵan qatysý úshin qujattar toltyryp, taǵy da vaktsınatsııadan ótýdiń qajeti joq.
Aıta keteıik, elordada azamattardy vaktsınatsııalaýǵa yntalandyrý úshin baǵaly syılyqtardyń utys oıyny ótýde. Olardyń arasynda eki bólmeli páter de bar. Osy jyldyń 25 maýsymy men 31 tamyzy aralyǵynda vaktsınanyń birinshi komponentin alǵan ári 18 jastan asqan qala turǵyndary elordada eki bólmeli páter utyp ala alady. Bul utys oıynyna vaktsınatsııanyń barlyq pýnkti qatysady: medıtsınalyq mekemeler, SOO/SÚ.
Aıta ketý kerek, utys oıyndary demeýshilerdiń kómegimen ótkiziledi.
Sondaı-aq «MEGA Silk Way» SOO-daǵy vaktsınatsııa pýnktinde ekpeniń birinshi komponentin alǵandar arasynda avtomobıl utysy ótedi.
Elordada ótkiziletin utys oıyndary azamattardy ekpe alýǵa yntalandyrý, osylaısha óz densaýlyǵyn da, jaqyn jáne aınalasyndaǵy adamdardyń densaýlyǵyn saqtaý úshin uıymdastyrylady. Sebebi, basty maqsat — ujymdyq ımmýnıtetti damytý jáne karantınge deıingi burynǵy rejımge oralý. Ujymdyq ımmýnıtettiń úlesi 60%-dan asýy kerek.
