Nur-Sultanda vaktsına alǵandar arasynda eki bólmeli páter oınatylyp jatyr
Ekpe alǵan adam oǵan avtomatty túrde qatysady, ótinim berip, tirkelýdiń qajeti joq, dep habarlaıdy qala ákimdiginiń resmı saıty.
Nur-Sultanda eki bólmeli páterdi 25 maýsym men 28 qyrkúıek aralyǵynda (28 qyrkúıekti qosa alǵanda, buryn 31 tamyzǵa deıin bolǵan) vaktsınatsııalanǵan azamattar utyp ala alady. Utys oıynyna osy jyldyń 25 maýsymy men 28 qyrkúıegi aralyǵynda vaktsınanyń birinshi komponentin alǵan 18 jastan asqan turǵyndar qatysa alady.
Eki bólmeli páterdiń utys oıyny tikeleı efırde ótedi.
Eske sala keteıik, elorda ákimdigi apta saıyn vaktsına alǵandar arasynda iPhone12 jáne basqa da qundy syılyqtardyń utys oıynyn ótkizdi. Sonymen, ımmýndaýdan ótkender arasynda sońǵy úlgidegi iPhone 12 telefonynyń 19 danasy, 6 tońazytqysh, 4 teledıdar, 2 planshet, 4 mıkrotolqyndy pesh, 5 prınter, 2 beınetirkegish, kir jýǵysh mashınalar, Alısa aqyldy kolonkasy, aýa ylǵaldandyrǵysh jáne t.b. oınatyldy.
Budan basqa, ekpe alǵandar arasynda baǵaly júldelerdiń utys oıynyn vaktsınatsııa pýnktteri ornalasqan SOO jáne SÚ ótkizdi.
Vaktsınatsııa sizdiń densaýlyǵyńyzdy da, jaqyndaryńyz ben aınalańyzdaǵy adamdardyń densaýlyǵyn da qorǵaıdy. Óıtkeni, basty maqsat – ujymdyq ımmýnıtetti damytý jáne karantınge deıingi rejımge oralý.
