Nur-Sultanda vaktsına alǵandar arasynda 20 iPhone oınatylady
NUR-SULTAN. QazAqparat – Elordalyqtar arasynda vaktsınalaýdy yntalandyrý úshin demeýshilik qarajat esebinen 20 iPhone12 oınatylady, dep habarlaıdy QazAqparat elorda ákimdigine silteme jasap.
Ákimdiktiń habarlaýynsha, aptasyna eki iPhone12 oınatylady. Bul utys oıynyna medıtsınalyq mekemelerdiń, SOO/SÚ jáne t.b. oryndarda vaktsına alǵandar qatysady. Oǵan qatysý úshin saýalnamany toltyrýdyń nemese nómir alýdyń qajeti joq.
«Jeńimpaz Birge platformasyndaǵy kezdeısoq qyzmet arqyly anyqtalady. iPhone12 utys oıynyna vaktsına alǵan kúnine qaramastan barlyq adam qatysady. Vaktsına alǵandar boıynsha aqparat QR Densaýlyq saqtaý mınıstrliginiń málimetterimen biriktiriledi. Servıste ekpe alǵan adamnyń ID-nómiri ǵana kórinetin bolady. Jeńimpazdy servıs kezdeısoq túrde anyqtaıdy. Ol Facebook pen Instagram arqyly tikeleı efırde ótkiziledi», - dep jazylǵan elorda ákimdiginiń resmı paraqshasynda.
IPhone12 alǵashqy utys oıyny 8 shilde kúni ótedi. Oǵan 6 shildege deıin ekpe alǵandardyń bári qatysa alady. Nur-Sultan qalasynda 7 shilde kúni vaktsına alǵandar bazasy daıyndalady.
Elordada vaktsına alǵandar sany ótken aptalarmen salystyrǵanda bes eseden asa ósti. Osylaısha, vaktsına alǵandar sany táýligine 7 myńnan asyp jyǵylady. Búginge deıin barlyǵy 218 myńǵa jýyq adam ekpeniń alǵashqy komponentin alǵan.
Sonymen birge, 25 maýsym men 31 tamyz aralyǵynda vaktsınatsııalanǵandar arasynda eki bólmeli páterdiń utys oıyny ótkiziledi. Bul aktsııaǵa medıtsınalyq mekemelerde, SOO/SÚ jáne vaktsınatsııalaýdyń ózge de pýnktterinde ımmýndaýdan ótkender qatysady.
Sol sııaqty buǵan deıin «MEGA Silk Way» SOO óziniń egý pýnktinde vaktsınanyń birinshi komponentin alǵandar arasynda avtokólik oınatylatynyn jarııalaǵan bolatyn.
Al «Azııa Park», «Saryarqa», «Ábý-Dabı Plaza», «Kerýen», «Eýrazııa» SOO-larynda jáne basqa da saýda úılerinde kompıýterlik, turmystyq tehnıka, jeńildik kýpondary túrindegi túrli syılyqtar oınatylyp jatyr.
