Nur-Sultanda vaktsına alǵan eki turǵyn iPhone12 utyp aldy
NUR-SULTAN. QazAqparat - Nur-Sultan qalasynyń ákimdigi COVID-19 ınfektsııasyna qarsy vaktsına alǵandar arasynda iPhone12 telefonynyń eki danasynyń, sol sııaqty túrli demeýshilerdiń syılyqtarynyń utys oıynyn ótkizdi, dep habarlaıdy elorda ákimdiginiń resmı saıty.
Nur-Sultan qalasy ákimdiginiń áleýmettik jelidegi paraqshalarynda (Facebook, YouTube) saǵat 20:00-de vaktsınalanǵan azamattar arasynda eki iPhone12 oınatyldy. Birinshi utys oıynyna vaktsınatsııa bastalǵan sátten bastap 6 shildege deıin ekpe alǵandar qatysty. Onyń barysynda 259 myń 115 adam vaktsına aldy.
Utys ıegerlerin anyqtaý úshin Birge platformasynda arnaıy randomaızer qyzmeti ornatylyp, ol jeńimpazdardy ID arqyly tańdady. Bul servıs Densaýlyq saqtaý mınıstrliginiń málimetterimen biriktirilgen.
Sonymen osy aptada eki iPhone12 telefonynyń ıegerleri:
Jadaýova Janar Abıldaevna (ID nómiri: 79642);
Sorokına Tamara Ivanovnaǵa (ID nómiri: 203369).
Elorda ákimdigi jazdyń sońyna deıin apta saıyn iPhone12 telefonynyń eki danasyn utysqa qoıady. Osylaısha jalpy sany 20 iPhone smartfony utysqa qoıylady.
Qala ákimdigi uıymdastyrǵan utys oıyny osymen bitken joq. Túrli demeýshilerdiń syılyqtary da utysqa qoıyldy. Naqtyraq toqtalar bolsaq:
«Technodom» saýda úıi usynǵan eki planshetiniń jeńimpazdary:
Ajıkenova Madına Berıkbolovna (ID nómiri: 7888);
Jakýpov Baýyrjan Zamashevıch (ID nómiri: 254191).
«Mechta» saýda úıi usynǵan eki vıdeotirkeýishtiń ıegeri:
Kotlıarova Marııa Grıgorevna (ID nómiri: 15036);
Ýmerseıtov Nıl Jamshıtovıch (ID nómiri: 87529).
«Belyı veter» saýda úıi usynǵan kópfýnktsııaly qurylǵynyń bes danasyn jeńip alǵandar:
Mýhamedjanova Batızıa Jırenovna (ID nómiri: 242853);
Saýkeleeva Nursulý Kárimjanqyzy (ID nómiri: 30320);
Habıbýllına Evgenııa Kamılevna (ID nómiri: 224276);
Ýstıýgov Anatolıı Gennadevıch (ID nómiri: 56683);
Ýmýrzakov Daýlet Janbolatovıch (ID nómiri: 25485).
Aıta keteıik, elordada azamattardy vaktsınatsııalaýǵa yntalandyrý úshin baǵaly syılyqtardyń utys oıyndary uıymdastyrylýda. Buǵan deıin Nur-Sultan qalasynyń ákimi Altaı Kólginov utysqa eki bólmeli páterdiń qoıylǵanyn habarlaǵan. Oǵan osy jyldyń 25 maýsymy men 31 tamyzy aralyǵynda vaktsınanyń birinshi komponentin qabyldaǵan 18 jastan asqan qala turǵyndary qatysa alady. Atalǵan utys oıynyna barlyq saýda úıleri men medıtsınalyq mekemelerde vaktsına alǵandar qatysady. Bul utys oıyny demeýshilerdiń kómegimen júrgiziledi.
Sol sııaqty MEGA Silk Way saýda oıyn-saýyq ortalyǵyndaǵy vaktsınatsııa pýnktinde birinshi komponentpen vaktsınatsııalanǵandar arasynda avtokóliktiń utysy ótetinin jarııalaǵan bolatyn.
Elordada ótkizilip jatqan utys oıyndary turǵyndardyń vaktsınatsııalaýǵa degen belsendiligin arttyrý úshin jasalyp jatqan shara. Al eń mańyzdysy — ujymdyq ımmýnıtetti damytyp, karantınge deıingi qalypty rejımge oralý. Ujymdyq ımmýnıtettiń úlesi 60%-dan asýy tıis.
