Nur-Sultanda «Úıdegi dáriger» jobasy aıasynda Otbasylyq densaýlyq ortalyǵy ashyldy

NUR-SULTAN. QazAqparat - Búgin elordadaǵy «Amanat» otbasylyq densaýlyq ortalyǵynda (Bókeıhan kóshesi, 21), №9 qalalyq emhana bazasynda bastapqy medıtsınalyq-sanıtarlyq kómek (BMSK) jelisin damytý tujyrymdamasy aıasynda«Úıdegi dáriger» jobasy júzege asyryldy, dep habarlaıdy QazAqparat qala ákimdiginiń resmı saıtyna silteme jasap.

Joba maqsaty – qol jetimdilikti qamtamasyz etý jáne yqsham medıtsınalyq ambýlatorııalardyń ashylýy qarastyrylǵan emhanalar jelisin damytý. Otbasylyq densaýlyq ortalyǵy «Úıdegi dáriger» jobasy aıasynda jaqyn mańdaǵy turǵyndarǵa medıtsınalyq kómekti jaqsartýǵa jáne jaqyndatýǵa baǵyttalǵan. №9 qalalyq emhana elordanyń sol jaǵalaýynda, qarqyndy damyp jatqan aýdanda ornalasqan. Qazirgi ýaqytta qyzmet kórsetý aýmaǵy 10 shaqyrymnan asady. Ásirese, Bókeıhan, Uly Dala kósheleriniń aýdanynda halyq tyǵyz qonystanǵan, ol jerde kóptegen jańa turǵyn úı keshenderi salynýda. Tirkelgen eresekter men balalarǵa medıtsınalyq kómek tegin medıtsınalyq kómektiń kepildendirilgen kólemi aıasynda kórsetiledi. «Nur-Sultan qalasynda «Úıdegi dáriger» jobasy 2018 jyldan bastap qolǵa alynýda. Búgin №9 emhanaǵa kómek retinde biz osy yqshamaýdanda «Úıdegi dáriger» ashamyz. Munda 17 myńǵa jýyq adam turady. Onyń ishinde 4,8 myńy – balalar. Ótken jyly biz «Úıdegi dárigerdiń» 12 dárigerlik ambýlatorııasyn ashtyq. Bıyl biz taǵy 10 dárigerlik ambýlatorııa ashýdy josparlap otyrmyz, olar shamamen 50 myń adamdy qamtıdy. Mindet – óte muqtaj turǵyndarǵa alǵashqy medıtsınalyq kómek. Ár keńsede ár naýqasqa belgili bir baǵyt boıynsha emshara jasalady», – dedi Nur-Sultan qalasy ákiminiń orynbasary Baqtııar Máken «Úıdegi dáriger» ambýlatorııasynyń ashylý rásiminde.

2019 jyly Nur-Sultanda osyndaı 12 dárigerlik ambýlatorııa ashyldy. Bıyl bul jumystar jalǵasady.