Nur-Sultanda urylar emhanada turǵan bankomatty tonamaq boldy
NUR-SULTAN. QazAqparat - Nur-Sultanda alaıaqtar sharqaıraqpen bankomat buzbaqshy bolǵan, dep habarlaıdy «QazAqparat» HAA tilshisi elordalyq polıtsııa departamentiniń baspasóz qyzmetine silteme jasap.
«Eki elorda turǵyny men Aqmola oblysynyń azamaty qalalyq emhanalardyń birinde ornalasqan bankomattan aqsha tonamaqshy bolǵan. Keshkisin mekemege kelgen olar kúzetshini esinen tandyryp, bankomatty sharqaıraqtyń kómegimen buzbaqshy bolǵan. Іsterin júzege asyra almaǵan alaıaqtar jasyrynyp qalǵan», - delingen habarlamada.
Polıtsııa qyzmetkerleri jasyryn kameralardyń kómegimen kúdiktilerdi ustady. Olar 38, 34 jáne 29 jastaǵy úsh azamat bolyp shyqty. Tergeý amaldary barysynda olardyń buǵan deıin qala dúkenderiniń birinen tólem termınalyn tonaǵany anyqtaldy.
Atalǵan derek boıynsha sotqa deıingi tergeý amaldary júrgizilip jatyr. Kúdiktiler ýaqytsha ustaý ızolıatoryna toǵytyldy. Olardyń elorda aýmaǵynda budan basqa qylmystyq isterge qatysy bar-joǵy tekserilip jatyr.
