Nur-Sultanda ury kóliktiń terezesin syndyryp, 1,2 mln teńgeniń zattaryn alyp ketken
NUR-SULTAN. QazAqparat – Elordada avtokólik tonaldy. Temir tulpar ıesine 1,2 mln teńgeden astam shyǵyn keltirilgen, dep habarlaıdy QazAqparat Nur-Sultan qalasynyń polıtsııa departamentine silteme jasap.
«Elorda turǵyny urlyq jasalǵany týraly aryzdandy. Jábirlenýshiniń sózine qaraǵanda, belgisiz tulǵa onyń «Lexus RX 300» markaly avtokóliginiń terezesin syndyryp, salonǵa kirip, er adamnyń sómkesinen 50 myń teńge, qujattar men jeke zattaryn jáne ámııanyn urlaǵan», - dep habarlady departamettiń baspasóz qyzmeti.
Berilgen málimetke sáıkes, jábirlenýshige keltirilgen shyǵyn 1 mln 207 myń teńgeni qurady.
«Almaty» aýdandyq polıtsııa basqarmasynyń jedel ýákilderi birneshe saǵattan keıin kúdiktiniń izine túsip, ony turǵylyqty jeri boıynsha ustady. Polıtsııa qyzmetkerleriniń anyqtaýy boıynsha, ustalǵan azamat avtoturaqta turyp, janynda turǵan «Lexus RX 300» avtokóliginiń júrgizýshisi óz kóliginiń artqy oryndyǵyna sómkesin jáne zattaryn qaldyrǵanyn baıqaǵan. Kólik ıesi ketkennen keıin kóliktiń áınegin syndyryp, urlyq jasap, qylmys ornynan boı tasalaǵan», - dedi departamentte.
Qazirgi ýaqytta ustalǵan azamat urlyq jasaǵanyn moıyndady. Aıǵaqty zattar tárkilendi.
Atalǵan fakti boıynsha QR QK 188-babyna (Urlyq) sáıkes, sotqa deıingi tergeý júrgizilýde.
Ustalǵan adamnyń buryn jasalǵan osyǵan uqsas qylmystarǵa qatysy bar-joǵy anyqtalýda.
