Nur-Sultanda ulttyq sport túrlerinen «Uly dala rýhy» festıvaliniń sheshýshi kezeńi ótýde
Elimizdiń ataqty sportshylary ulttyq oıyndardyń ishinde asyq atý, qazaq kúresinde, kókparda kúsh synasady.
Jarysqa shamamen 225 sportshy qatysýda. Soltústik, ońtústik, batys, shyǵys óńirlerdegi irikteý kezeńderinen júldeli orynǵa ıe bolǵan sportshylar toǵyzqumalaq, aýdaryspaq, jamby atý, teńge ilý jáne basqa da oıyn túrlerinen jeńimpazdardy anyqtaıdy.
Jalpy alǵanda, ulttyq oıyndardyń 7 túri boıynsha jarystar ótkizý josparlanýda. Onyń ishine asyq atý, qazaq kúresi, toǵyzqumalaq, aýdaryspaq, kókpar, jamby atý jáne teńge ilý kiredi.
Ulttyq oıyndar qazaq mádenıetiniń ajyramas bóligi bolyp tabylady jáne halyqtyń ómiri men maqsatyn bir arnaǵa toǵystyrady. Dástúrli oıyndardyń shyǵý tegi halqymyzdyń kóshpeli sharýashylyq qareketterinen bastaý alyp, búgingi kúnge deıin saqtalǵan.
Festıvaldi QR Mádenıet jáne sport mınıstrliginiń Sport jáne dene shynyqtyrý isteri komıteti, sonymen qatar «Ulttyq jáne at sporty ortalyǵy» birlese otyryp uıymdastyrýda.
Jarys ulttyq strategııany damytýǵa baǵyttalǵan. Ulttyq sport túrleri jastardyń boıynda kúsh, eptilik pen tózimdilikti damytýǵa, azamattardyń jan-jaqty damýyna yqpal etedi.
Aıta keteıik, sport pen dene shynyqtyrý salasy – memlekettik saıasattyń eń mańyzdy basymdyqtarynyń biri.