Nur-Sultanda úleskerler máselesi bıyl-keler jyly sheshiledi – mınıstr
NUR-SULTAN. QazAqparat – QR Indýstrııa jáne ınfraqurylymdyq damý mınıstri Beıbit Atamqulov qurylysy aıaqtalmaǵan nysandar týraly suraqqa jaýap berdi, dep habarlaıdy QazAqparat tilshisi.
«Nur-Sultan qalasynda aıaqtalmaǵan 42 nysan bar, shamamen 13 myńdaı úlesker bar. 2017 jyly Úkimet qorynan 40 mlrd teńge bólingen. Bıyl taǵy 38,5 mlrd teńge bólinip otyr. Al endi 42 nysannyń 10 nysanyn sol úleskerler óz aqshasyna jáne ınvestor qarajatyna bitirip jatyr. Qalǵan 32 nysanǵa osy bólingen aqsha ákimshilik arqyly beriledi. Bul másele bıyl-kelesi jyly bitedi dep oılaımyn. Sebebi Úkimet óz jaǵynan kómektiń bárin kórsetti», - dep túsindirdi spıker Ortalyq kommýnıkatsııalar qyzmetinde ótken esep berý brıfınginde.
Buǵan deıin mınıstr Qazaqstanda halyqaralyq reısterdiń kezeń-kezeńimen ashylatynyn aıtyp, ruqsat berilgen alǵashqy memleketter tizimin jarııalady.
