Nur-Sultanda túrik dárigeri júregi aýyratyn bes patsıentke kúrdeli ota jasady
NUR-SULTAN. QazAqparat - Astanadaǵy júrek ortalyǵynda Ankara qalalyq aýrýhanasynyń kardıolog-elektrofızıology, professor, doktor Serkan Chaıdyń qatysýymen master-klass ótti, dep habarlaıdy QazAqparat.
Sheberlik sabaǵy bradıkardııasy bar patsıentterde GIS shoǵyry selektıvti aımaǵyna elektrokardıostımýlıatordy ımplantatsııalaýǵa arnaldy.
«Adamnyń júregi - búkil deneni qanmen qamtamasyz etetin erekshe organ. Ol úshin júrek «symdar» arqyly beriletin óz yrǵaǵyn jasaıdy. Ókinishke qaraı, bul «symdar» durys jumys istemeýi múmkin. Al bul turaqty emes, jyldam nemese baıaý yrǵaqtardy týǵyzady. Bradıkardııamen aýyratyn naýqastar jaǵdaıynda júrek yrǵaǵy baıaýlaıdy. Bradıkardııanyń sebepteriniń biri «symdar» arqyly sıgnal blokadasy bolýy múmkin. Sondyqtan patsıentterge elektrokardıostımýlıator ımplantatsııalanýy múmkin, ol blokadany aınalyp ótip, júrek yrǵaǵyn basqara alady» delingen ortalyq taratqan habarlamada.
Atalǵan master-klass aıasynda 5 naýqasqa ota jasalǵan.
«Naýqastardyń biri - sınýs túıini men sınkop qamaýǵa alynǵan 11 jastaǵy bala boldy. Barlyq operatsııa sátti ótti, patsıentter ózderin jaqsy sezinedi jáne shyǵarýǵa daıyndalyp jatyr», - deıdi júrek ortalyǵynyń ınterventsııalyq arıtmologııa bóliminiń meńgerýshisi Aıan Ábdirahmanov.
