Nur-Sultanda turǵyndardyń bet-álpetin tanıtyn domofondar ornatyldy
Bul týraly «Tsıfrlyq Qazaqstan» memlekettik baǵdarlamasynyń Feısbýktaǵy paraqshasynda jarııalandy.
«Budan bylaı, domofonnyń magnıt kiltin joǵaltyp alamyn dep qorqýdyń qajeti joq. Jańa tehnologııalar munyń barlyǵynan aryltýǵa múmkindik beredi. Sonymen birge, Baraev kóshesindegi 12-úıdiń turǵyndary kireberis esikti bank kartasymen nemese qoǵamdyq kólikpen júretin LRT kartasymen nemese mobıldi qosymsha arqyly asha alady», - delingen habarlamada.
Intellekt júıeler derekter qoryna engen tulǵalardy ǵana «tanıdy» jáne solarǵa ǵana esikti ashady.
Derekter qory turǵyndardyń kelisimimen ǵana toltyrylady. Bazaǵa enbegender ádettegideı magnıt kiltti paıdalanady.
Aıta keteıik, «Aqyldy aýdan» jobasy jeke ınvestıtsııalar esebinen júzege asyrylady. Munda synaqtan ótken jańa tehnologııalar tutas qalaǵa qoldanylady.
