Nur-Sultanda turǵyndardan qarý satyp alý aktsııasy aıaqtaldy
NUR-SULTAN. QazAqparat – Qarýdy erikti túrde tapsyrǵan azamattarǵa qarýdyń tehnıkalyq jaǵdaıyna baılanysty ár danasyna onnan júzge deıin aılyq eseptik kórsetkish kóleminde aqshalaı qarajat tóleý qarastyrylǵan, dep habarlaıdy QazAqparat Nur-Sultan qalasy polıtsııa departamentine silteme jasap.
Elordanyń polıtsııa departamenti men aýmaqtyq bólimshelerinde 14 kún boıy turǵyndardan zańsyz saqtalǵan qarý, oq-dári jáne jarylǵysh zattardy satyp alý aktsııasy ótkizildi.
Eki aptanyń ishinde azamattar 25 qarýdy óz betimen tapsyrǵan, sonyń ishinde úsh danasy - ıir oıyqty myltyq, 20 tegis oqpandy myltyq, sondaı-aq travmatıkalyq qarýdyń úsh danasy bar.
Osylaısha Nur-Sultan qalasy polıtsııa departamentiniń Baıqońyr aýdandyq polıtsııa basqarmasyna elorda turǵyny kelip, qaıtys bolǵan ákesiniń «TOZ-BM» markaly tegis oqpandy myltyǵyn óz erkimen tapsyrǵan.
Nur-Sultan qalasynyń polıtsııa departamenti tirkelmegen qarý, oq-dári jáne jarylǵysh zattardy erikti túrde tapsyrǵan tulǵalardyń qylmystyq jaýapkershilikten bosatylatynyn eske salyp otyr.
