Nur-Sultanda turǵyn úı kesheninen shyqqan órttiń sebebi belgili boldy
NUR-SULTAN. QazAqparat - Nur-Sultanda turǵyn úı kesheni órtendi, dep habarlaıdy QazAqparat qalalyq tótenshe jaǵdaılar departamentine silteme jasap.
28 naýryz 23 saǵat 33 mınýtta Nur-Sultan qalasy tótenshe jaǵdaılar departamentiniń órt sóndirý qyzmetine «Alataý» turǵyn úı kesheniniń 5-qabatyndaǵy páterden órt shyqqany jaıly habar kelgen.
Oqıǵa ornyna 6 tehnıka men jeke quramnan 29 adamnan turatyn top jedel túrde bardy.
Órt sóndirýshiler páterdiń tolyǵymen jalynǵa oranǵanyn anyqtady.
Ot 00 saǵat 15 mınýtta sóndirildi. 40 sharshy metr aýmaqta jıhazdar men turmystyq zattar janǵan.
Tilsiz jaýdyń tutanýynyń aldyn ala sebebi - tómen kalorııaly ot kózi, sóndirilmegen temeki.
Zardap shekkender men qaza bolǵandar joq.
Nur-Sultan qalasynyń tótenshe jaǵdaılar departamenti órt qaýipsizdigi erejelerin saqtaý kerektigin eskertedi.
«Turmystyq órttiń jıi kezdesetin sebepteriniń biri - temeki shegý kezinde otqa uqypsyz qaraý, biz turǵyndardy saqtyq pen qyraǵylyqqa shaqyramyz. Óshirilmegen temeki úlken zııan keltirýi múmkin, sonymen birge ólimge ákelýi múmkin» delingen tótenshe jaǵdaılar departamenti baspasóz qyzmetiniń eskertpesinde.
