Nur-Sultanda túnde qydyrǵan 65 jasóspirim anyqtaldy

NUR-SULTAN. QazAqparat – 2020 jyl bastalǵaly elordada kámelet jasyna tolmaǵan balalardyń túngi ýaqytta oıyn-saýyq mekemelerinde nemese úıden tys jerde eresek adamdarsyz júrgeni úshin 3500 zańdy ókil ákimshilik jaýapqa tartyldy, dep habarlaıdy QazAqparat Polisia.kz portalyna silteme jasap.

Aıta keteıik, jasóspirimder oıyn-saýyq mekemesinde júretin bolsa jaýapqa ata-ana ǵana emes, mekeme ıeleri de tartylady. Bıyl osyndaı 100 sýbektige ÁQBtK 132-baby boıynsha jaýapkershilik júktelip, 27 780-41 670 teńge (10-15 AEK) kóleminde aıyppul salyndy.

Keıingi úsh táýlikte ǵana ıývenaldy polıtsııa qyzmetkerleri túnde úıinde bolmaǵan kámeletke tolmaǵan 65 balany anyqtady. Barlyq faktige qatysty polıtseıler ÁQBtK 442-baby boıynsha ákimshilik hattama toltyryp, eskertý jasady.

Túnde Saryarqa aýdanynda 16 jastaǵy qyz oıyn-saýyq mekemesinen tabyldy.

«Polıtseıler kámelet jasyna tolmaǵandarǵa túngi saǵat 22:00-6:00 aralyǵynda oıyn-saýyq mekemesinde, al zańdy ókilderinsiz 23:00-6:00 aralyǵynda úıden tys jerde júrýge tyıym salynatynyn eskertedi.

Jasóspirim úıge kesh qaıtatyn bolsa, ony kútip alýǵa tyrysyńyz.

Eger siz balańyzdyń qaıda ekenin bilmeseńiz jáne ol qońyraýlaryńyzǵa jaýap bermese dereý polıtsııaǵa habar berińiz», - delingen aqparatta.