Nur-Sultanda tún jarymynda qydyryp júrgen 36 bala anyqtaldy
NUR-SULTAN. QazAqparat – Nur-Sultan qalalyq polıtsııa departamentiniń jasóspirimder isi jónindegi qyzmetkerleri kámeletke tolmaǵandar arasyndaǵy qylmystyń aldyn alý maqsatynda únemi reıd ótkizip keledi, dep habarlaıdy QazAqparat tilshisi Nur-Sultan qalalyq polıtsııa departamentiniń baspasóz qyzmetine silteme jasap.
Demalys kúnderi túnde kámeletke tolmaǵan 36 balanyń úıinen tys jerde jáne oıyn-saýyq mekemelerinde júrgeni anyqtalǵan. Barlyq fakt boıynsha polıtsııa aıyppul túrinde hattama toltyrdy.
Ótken senbide saǵat 22:45-te Seıfýllın kóshesinde ornalasqan «R4» kompıýterlik klýbynda «Saryarqa» polıtsııa bóliminiń kámeletke tolmaǵandar isi jónindegi ınspektorlary úsh balanyń oıyn oınap otyrǵanyn anyqtady.
Karantın sharalaryna qaramastan, úsh dos túnge deıin kompıýter oıyndaryn oınap, ýaqyt ótkizgisi kelgen bolýy kerek. Balasy úshin ata-anasy aýdandyq polıtsııa bólimine barýǵa májbúr boldy.
Osyndaı faktilerdiń aldyn alý týraly profılaktıkalyq áńgime júrgizilgennen keıin tıisti hattama toltyryldy.
Kámeletke tolmaǵan balalarǵa qyzmet kórsetkeni úshin ata-analarymen qatar sol qyzmet ornalasqan nysannyń ıesi de jazalanady.
