Nur-Sultanda trıatlonnan ótken Azııa chempıonatynda qazaqstandyqtar eki medal aldy
NUR-SULTAN. QazAqparat – Nur-Sultanda U23 jáne U19 atletteri arasynda Azııa chempıonaty ótti, dep habarlaıdy QazAqparat Ulttyq olımpıadalyq komıtettiń baspasóz qyzmetine silteme jasap.
Atalmysh keń aýqymdy sport básekesin 2021 jyly ótkizý josparlanǵan edi. Alaıda ol epıdemıologııalyq jaǵdaıǵa baılanysty ótpeı qaldy.
Jarysta Qazaqstan atynan 15 sportshy óner kórsetti. Olardyń arasynda Daryn Qonysbaev ta bar. Ol U23 kategorııasyndaǵy júldegerler arasynda ekinshi oryn aldy.
Daryn Qonysbaev gonkongtik Oskar Koggınsti basyp ozdy. Koggıns jarystyń basynda-aq jyldamdyqty arttyryp, sońynda úsh kezeńdi 1 saǵat 51 mınýt14 sekýndta aıaqtady.
Úshinshi bolyp qytaılyq Tsın Chen keldi.
Áıelder arasyndaǵy U23 kategorııasynda jarys jeńimpazdary qatarynda Japonııa men Qytaı ókilderi boldy. Birinshi oryndy 2:10:26 ýaqytymen japonııalyq Izýmı Ikegýchı aldy.
Qytaı komandasynyń ókilderi Ven Veı men Sını Lın «kúmis» jáne «qola» júldelerdi aldy.
U19 jarystarynda japonııalyq sportshylar Mako Zırazýmı men Manamı Hııashı ekinshi oryn aldy.
«Qola» júldeni Gonkong komandasynyń sportshysy Sharlotta Holl aldy.
Erler arasynda jeńisti japonııalyq Amý Omýro men Takýto Osıma aldy. Olar 1 men 2-shi oryndardy bólisti.
Júldegerlerdiń arasynda qazaqstandyq atlet Egor Krýpnıakov ta bar.
Jarysqa 13 elden 100-den astam sportshy qatysty. Olardyń arasynda Japonııa, Qytaı, Koreıa, Qyrǵyzstan sııaqty elder men Gonkong bar.
Nur-Sultan bul kategorııadaǵy sportshylardy birinshi ret qabyldady.
