Nur-Sultanda tótenshe jaǵdaı kezinde 30 myń maska men 20 myń lıtr antıseptık tárkilendi

NUR-SULTAN. QazAqparat – Elordalyq quqyq qorǵaý organdary prokýratýranyń úılestirýimen tótenshe jaǵdaı jarııalanǵan sátten bastap zańdy saqtaý boıynsha barlyq sharalardy qabyldap jatyr, dep habarlaıdy QazAqparat qalalyq prokýratýraǵa silteme jasap.

Prokýrorlar, polıtseıler men memlekettik kiris qyzmetkerlerinen quralǵan mobıldi top bir sátte defıtsıt bolǵan medıtsınalyq quraldardy – maska men antıseptıkterdi alyp-satý faktilerin ýaqtyly anyqtap, aldyn alýda.

Tótenshe jaǵdaı rejımi jarııalanǵaly beri medıtsınalyq quraldardy zańsyz satýdyń 58 faktisi anyqtaldy. Jalpy somasy 88 mln teńgelik 30 myń dana maska jáne 50 mln teńgelik 20 myń lıtr antıseptık tárkilendi.

Materıaldar sotta qaralǵannan keıin tárkilengen quraldar jergilikti atqarý organdaryna beriledi.