Nur-Sultanda tórt aılyq náreste koronavırýs ınfektsııasyn juqtyrdy
NUR-SULTAN. QazAqparat - Nur-Sultan qalalyq Qoǵamdyq densaýlyq saqtaý basqarmasynyń basshysy Sáýle Qısyqova 20 naýryz kúni koronavırýs ınfektsııasy anyqtalǵan 3 naýqastyń jaı-kúıin aıtyp berdi, dep habarlaıdy QazAqparat tilshisi.
Tórt aılyq nárestesi bar otbasy 19 naýryzda Parıj-Mınsk-Nur-Sultan reısinen túsirilip, aýrýhanaǵa jetkizilgen.
«Atalǵan bortta 73 jolaýshy bolǵan. Sol borttan osy úsh adam aýrýhanaǵa jetkizildi jáne sonyń ishinde 7 adammen jaqyn baılanysta bolǵany anyqtaldy. Qalǵan 63 jolaýshy úı karantınine jatqyzyldy», - dedi basqarma basshysy qala ákimdiginde ótken onlaın-brıfıngte.
Buǵan deıin habarlaǵanymyzdaı, búgin Almaty oblysynda k oronavırýs indetin juqtyrýdyń alǵashqy jaǵdaıy anyqtaldy. 21 naýryz saǵat 12.00-degi jaǵdaı boıynsha, Nur-Sultan qalasynda - 28 adam, Almaty qalasynda – 22 adam, Qaraǵandy qalasynda - 2, Taldyqorǵan qalasynda - 1 adam, jalpy 53 naýqas tirkeldi.
