Nur-Sultanda tórt avtobýstyń qozǵalys baǵyty ýaqytsha ózgeredi
NUR-SULTAN. QazAqparat - Qurylys-montaj jumystarynyń júrgizilýine baılanysty tamyzdyń 1-i men 10-y aralyǵynda elordada Kereı-Jánibek handar kóshesindegi Máńgilik El dańǵylynan bastap Túrkistan kóshesine deıingi ýchaskede avtokólik quraldarynyń qozǵalysy shekteledi. Sondaı-aq 4 qalalyq marshrýttyń qozǵalys shemasy ýaqytsha ózgertiledi, dep qala ákimdiginiń saıty habarlaıdy.
Jumystardy júrgizý kezindegi ózgerister № 18, 28, 52, 54 avtobýs marshrýttarynyń qozǵalys shemasyna qatysty bolady.
Qurylys-montaj jumystaryn Astana qalasynyń Kólik jáne jol-kólik ınfraqurylymyn damytý basqarmasy Nur-Sultan qalasynyń JP ákimshilik polıtsııa basqarmasymen birlesip «Astana qalasyndaǵy №1 josparlaý aýdanynyń ınjenerlik jelileri men joldary (№19 kósheniń ońtústigine qaraı)» jobasyn iske asyrý sheńberinde júrgizedi.
Jolda keptelis týdyrmas úshin elorda turǵyndary men qonaqtaryna óz marshrýttaryn aldyn ala josparlaýǵa keńes beremiz.
