Nur-Sultanda tóbeles uıymdastyrǵandar ustaldy
NUR-SULTAN. QazAqparat – 9 jeltoqsan kúni saǵat 02:42 shamasynda «102» arnasyna Sh. Qudaıberdiuly kóshesinde tóbeles bolyp jatqany týraly habar kelip tústi, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Oqıǵaǵa qatysy bar adamdardyń barlyǵy polıtsııa bólimine jetkizildi. Qoǵamdyq tártipti buzýshylardyń arasyndaǵy tóbeles «Panaehalı» barynan shyqqannan keıin bastalǵany anyqtaldy.
Atalmysh fakti boıynsha «Buzaqylyq» baby boıynsha qylmystyq is qozǵaldy. Tergeý júrip jatyr.
Nur-Sultan qalasynyń Polıtsııa departamenti elorda turǵyndary men qonaqtaryn qoǵamdyq tártipti qatań buzǵany, aınalasyndaǵylarǵa qurmetsizdik bildirgeni úshin qylmystyq jaýapkershilik qarastyrylǵanyn eskertedi.
