Nur-Sultanda til janashyrlary marapattaldy
«Elordada jyl saıyn qyrkúıek aıynda qalalyq til festıvali jarııalanyp, onyń aıasynda dárister, mádenı sharalar ótkiziledi. Ondaǵy basty maqsat - rýhanı baılyǵymyzdy urpaqqa jetkizý, til arqyly otansúıgishtikti damytý. Aýqymdy shara «Meniń tilim - uly dala rýhy» dep atalyp, bıyl 21-ret uıymdastyryldy. Sol shara aıasynda «Memlekettik til – ult tiregi» dóńgelek ústel otyrysy, «Eltanym» rýhanı-tanymdyq jobasy, «Til – amanat» jalpyqalalyq aktsııasy, «Oı-zerek» ıntellektýaldyq til saıysy, «Qazaq tilin oqytý ádistemesi, bolashaǵy men ózekti máseleleri» atty ǵylymı-tájirıbelik konferentsııalary uıymdastyryldy. «Azat elge amanat týǵan tilim» jas aqyndar músháırasy, «Latyn grafıkasynda oqý-jazý daǵdylaryn qalyptastyrý» semınar-kýrstary syndy 300-ge jýyq is-shara barlyq bilim oshaqtarynda ótkizildi», - dedi Nur-Sultan qalasy ákiminiń orynbasary Baqtııar Máken «Meniń tilim – uly dala rýhy» HHІ qalalyq til festıvalinde.
Onyń aıtýynsha, elorda ákimi Altaı Kólginovtiń tapsyrmasymen jyl sońyna deıin qalalyq mekemelerdiń ataýlary latyn grafıkasyna aýystyrylady. Buǵan ákimdik qolǵabys etetin bolady.
Festıvalde «Til týraly» zańnyń qabyldanǵanyna 30 jyl tolýyna oraı, QR Prezıdenti Qasym-Jomart Toqaevtyń Alǵys hatymen Bekjan Ábdýálıuly jáne Kenjegúl Tergembaeva marapattaldy.
Sonymen birge, Aldan Smaıyl, Erden Qajybek, Ánýarbek Eraly, Nurlan Asqarov, Arnur Ysqaq, Almas Syrǵabaı , Vladıslav Ten jáne Alekseı Shegaıǵa Nur-Sultan qalasy ákiminiń «Til tuǵyry» qurmet marapaty tabystaldy.
