Nur-Sultanda tazy men tóbet ortalyǵy ashylady
BÝRABAI AÝDANY. QazAqparat - Elimizdiń bas qalasynda tazy men tóbet ortalyǵy ashylady. Bul týraly «Qansonar» respýblıkalyq qaýymdastyǵynyń basqarma tóraǵasy Oralbaı Ábdikárimov málim etti, dep habarlaıdy QazAqparat tilshisi.
«Búginde Qazaqstanda tazynyń taza túri az. Kóbisiniń basqa tuqymmen baılanysy bar. 1958 jyly elimizde tazy ǵylymı túrde zerttelip, onyń standarty bekitildi. Qazir sol standartqa saı elimiz boıynsha tazylardy tirkep jatyrmyz. Qazirgi ýaqytta Qazaqstanda 1 500-deı tirkelgen tazy bar. Onda tazynyń ataýy, qaı jerden jáne jas mólsheri sekildi barlyq málimetter kórsetilgen. Al tóbetter az, sebebi ol basqa ıt túrimen býdandastyrylyp ózindik qasıetin joǵaltyp aldy. Negizi bizdiń tóbet álemdegi salmaǵy 100 keliden asatyn iri 10 ıttiń qataryna enedi», - dedi O. Ábdikárimov.
Onyń aıtýynsha, elimizde tazy men tóbettiń sanyn kóbeıtip qana qoımaı, onyń tuqymdyq tazalyǵyn saqtaý kerek.
«Qazirgi ýaqytta QR Aýyl sharýashylyǵy mınıstrligi jáne QR Ekologııa, geologııa jáne tabıǵı resýrstar mınıstrliktermen birlesip elordadaǵy qazaq agrotehnıkalyq ýnıversıtetiniń janynan tazy men tóben ortalyǵyn ashýdy josparlaýdamyz. Qarjy ýaqytynda bólinse, ortalyqty kelesi jyly ashatyn bolamyz. Jalpy biz tazyny ıttiń basqa túrimen býdandastyryp aralastyrmaı, taza ustaýdy úırenýimiz kerek», - deıdi ol.
Aıta keteıik, buǵan deıin elimizde ıtbegilik ónerdiń resmı túrde tirkeletini týraly habarlaǵan bolatynbyz.
