Nur-Sultanda táýligine 6 myń adam vaktsına alyp jatyr

NUR-SULTAN. QazAqparat – 30 shildedegi jaǵdaı boıynsha aqpan aıynan bastap 335 464 astanalyq birinshi komponentpen, 238 321 adam – ekinshi komponentpen egildi. Bul týraly elordanyń sanıtarlyq-epıdemıologııalyq baqylaý departamenti aıtyp berdi, dep habarlaıdy QazAqparat.

«Qazirgi ýaqytta vaktsınalaý ózińizdi koronavırýstan qorǵaýdyń eń tıimdi ádisi bolyp qala beredi. Ýaqytyly vaktsına alý ózińizdi jáne basqalardy aýrýdan jáne onyń saldarynan qorǵaýǵa kómektesedi. Jalpy, Nur-Sultan qalasy boıynsha táýligine orta eseppen 5000-6000 adamǵa ekpe jasalady. Bıylǵy 30 shildedegi jaǵdaı boıynsha aqpan aıynan bastap barlyǵy birinshi komponentti – 335 464 adam, ekinshi komponentti – 238 321 adam saldyrdy», - dep habarlady deparatment.

Qala boıynsha medıtsınalyq uıymdarda 83 egý kabıneti jumys isteıdi, sondaı-aq «Mega Silk Way» SOO, «Han-Shatyr» SOO, «Kerýen» SOO, «Ábý Dabı Plaza» SOO, «Azııa park», «Saryarqa» SOO, «Eýrazııa» saýda úıi janynda qosymsha 8 ýaqytsha egý pýnkti ornalasqan. Barlyq ýaqytsha egý pýnktteriniń sanıtarlyq-epıdemıologııalyq dáıektemeleri bar.

Aıta keteıik, koronavırýs jaǵdaıyn ortasha táýliktik tirkeý maýsym aıynda 340 bolsa, shilde aıynda 1500-ge deıin ósti.

Sońǵy 16 kúnde táýligine 1 500-den astam jaǵdaı tirkelýde.

Sonymen birge, departament turǵyndar koronavırýs juqtyratyn negizgi oryndardy atady.

Taldaý jumystary kórsetkendeı, bazarlarda vırýs juqtyrý 8%-dan 12%-ǵa, saýda nysandarynda – 18%-dan 23%-ǵa, keńselerde – 12%-dan 17%-ǵa, saıabaqtar men demalys aımaqtarynda – 14%-dan 18%-ǵa artqan.