Nur-Sultanda tártip saqshylarynyń oqýshylarmen jumys isteýine qatysty jańa ádis ázirlenip jatyr

NUR-SULTAN. QazAqparat – Budan bylaı astanalyq oqýshylarymen jańa ádis boıynsha jumys istelinedi. Búginde jumys isteýdiń jańa ádisi ázirlený ústinde. Bul týraly Nur-Sultan qalasy Polıtsııa departamenti basshynyń birinshi orynbasary Baqytjan Malybaev málim etti, dep habarlaıdy QazAqparat tilshisi.

«Jýyrda elordanyń mektep dırektorlarynyń qatysýymen onlaın jıyn ótkizdim. Osy tusta aıtarym, oqýshylar arasynda bolatyn túrli buzaqylyq, bopsalaý, álemjettik kórsetý máselesi boıynsha biz mektep psıhologtarymen birlesip áreket etpekpiz. Ol úshin qazir Bilim basqarmasymen birlesip oqýshylarmen jumys isteýdiń jańa ádisin ázirlep jatyrmyz. Buǵan deıin qalaı boldy, bir jaǵdaı bolsa ýchaskelik polıtsııa mektepke mektepke barady, ol oqýshy onyń aldynda qyzaryp nemese aqtalyp turady. Osy oraıda jańa ádispen jumys isteýdiń eki maqsaty bar. Birinshiden, oqýshy polıtseıden qoryqpaýy tıis jáne polıtsııa degende jazalaıtyn adam degen túsinik qalyptaspaýy kerek. Ekinshiden, jasóspirimdermen jumys isteýdiń metodıkasyn meńgergen jón, bul jerde aldymen balamen til tabysý mańyzdy», - dedi Baqytjan Malybaev.

Buǵan deıin habarlaǵanymyzdaı, búgin Nur-Sultan qalasynda zamanaýı servıstik polıtsııa qyzmetiniń jumysy tanystyryldy.

Sondaı-aq, atalǵan sharada elordada ýchaskelik polıtsııa qyzmetkerleri sanynyń artqany aıtyldy.