Nur-Sultanda tapa-tal túste beıtanys adamdy tonap ketken áıel ustaldy
NUR-SULTAN. QazAqparat - Nur-Sultanda tapa-tal túste beıtanys adamdy jaraqattap, tonap ketken áıel ustaldy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.
Baspasóz qyzmeti taratqan málimetterge qaraǵanda, 34 jastaǵy kúdikti kóshede beıtanys áıelden qońyraý shalý úshin telefon suraǵan. Alaıda ol telefonyn berýden bas tartqan. Oǵan ashýlanǵan kúdikti jábirlenýshige dene jaraqatyn salyp, quny 100 myń teńge turatyn «Samsung» markaly uıaly telefony bar sómkesin alyp ketken.
Polıtsııanyń habarlaýynsha, kúdikti buryn da urlyq jasaǵany úshin qylmystyq jaýapqa tartylǵan.
Elordalyq polıtseıler jedel-izdestirý sharalary barysynda kisi tonaǵan kúdiktini ustady. Polıtsııaǵa jetkizilgen áıel jasaǵan qylmysyn moıyndady. Sómke men telefon ıesine qaıtaryldy. «Atalǵan fakti boıynsha QR QK 188-baby boıynsha sotqa deıingi tergeý amaldary júrgizilýde. Ustalǵan kúdiktiniń elorda aýmaǵynda buryn jasalǵan uqsas qylmystarǵa qatystylyǵy anyqtalýda»,-delingen habarlamada.
