Nur-Sultanda taksı kóligin urlaǵan qylmysker eki jaıaý júrginshini qaǵyp ketti
NUR-SULTAN. QazAqparat – Áıel adam jol-kólik oqıǵasy saldarynan oqıǵa ornynda mert boldy, al jasóspirim aýrýhanaǵa jetkizildi, dep habarlaıdy Nur-Sultan qalasy Polıtsııa departamentiniń baspasóz qyzmetinen.
Búgin 06.52-de 102 kanalyna «Bızon» dámhanasynyń mańynda belgisiz bireý taksı júrgizýshisin uryp-soǵyp, «Lada» kóligin urlap ketken.
06.58-de atalǵan avtokólik Táýelsizdik kóshesiniń boıynda joldan ótip bara jatqan eki jaıaý júrginshini qaǵyp ketken. Oqıǵa ornyna jetken patrýldik polıtsııa jasaǵy 23 jastaǵy kúdiktini ustady. Іshimdikke sylqııa toıǵan ol PD Ýaqytsha ustaý ızolıatoryna qamaldy.
Jol-kólik oqıǵasy saldarynan 48 jastaǵy áıel oqıǵa ornynda kóz jumdy, al kámelettik jasqa tolmaǵan (2005 jylǵy) jasóspirim túrli dene jaraqatymen aýrýhanaǵa jetkizildi.
QR QK 345-baby («Adam ólimine ákep soqqan kólik quraldaryn paıdalaný qaǵıdalaryn buzýy») jáne 200-baby («Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý») boıynsha sotqa deıingi tergeý jumystary bastaldy.
