Nur-Sultanda taǵy 8 kafe-bar karantın buzdy: Olar sot sheshimimen jabylýy múmkin

NUR-SULTAN. QazAqparat – Ótken táýlikte elordada karantın talaptaryn buzý boıynsha 65 kásipkerlik nysan tekserildi, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.

Quramynda sanıtarlyq-epıdemıologııalyq baqylaý basqarmasynyń ókilderi, ákimdik qyzmetkerleri, eriktiler men elorda polıtseıleri bar mobıldi toptar kún saıyn karantın talaptaryn buzǵan kásipkerlik nysandaryn anyqtaý úshin reıd ótkizýde.

Sonymen ótken túnde karantın erejesin buzýdyń 8 faktisi anyqtaldy.

Tekseris barysynda qalanyń sol jaǵalaýynda Qabanbaı batyr dańǵylynda sanıtarlyq normalardy buzǵan, klıentterge kalıan qyzmetin usynatyn eki mekeme anyqtaldy.

Saǵat 22.51-de «Inferno» barynda 20 adam kóńil kóterip demalyp otyrǵan. Saǵat 23:03-te «Vzletnyı» restobarynda 50-den astam adam bolǵan.

Mekeme qojaıyndary men oǵan kelýshilerge qatysty QR ÁQBK 441-baby boıynsha ákimshilik hattama toltyrylyp, aıyppul salyndy.

Sonymen qatar, reıd barysynda kompıýterlik klýb, kınozal jáne basqa da oıyn-saýyq mekemeleri tarapynan karantın rejımin buzý faktileri anyqtaldy.

Karantın rejımin buzýshylarǵa qatysty jınalǵan materıaldar QR ÁQBtK-niń 425-baby boıynsha ákimshilik jaýapqa tartý úshin ýákiletti organǵa jiberildi.

Sotta olardyń qyzmetin toqtata turý týraly másele qaralady.