Nur-Sultanda sybaılas jemqorlyqqa qarsy qanatty sózder jazylǵan bılbordtar ornatyldy

NUR-SULTAN. QazAqparat - «Adaldyq alańy» jobasy aıasynda sybaılas jemqorlyqqa qarsy mádenıetti qalyptastyrý, qoǵamda adaldyq, ádildik, parasat qundylyqtaryn nasıhattaý maqsatynda halqymyzdyń uly tulǵalary men alash zııalylarynyń maqal-mátelderi men naqyl sózderi kórsetilgen bannerler ázirlenip, bılbordtarǵa ornalastyryldy, dep habarlaıdy QazAqparat elorda ákimdiginiń resmı saıtyna silteme jasap.

Abaıdyń 175 jyldyq jáne ál-Farabıdiń 1150 jyldyq mereıtoıy qarsańynda dara tulǵalardyń tártipke, eńbekke, tárbıege jeteleıtin qanatty sózderi kórsetildi. Ál-Farabı, Abaı, B.Momyshuly, M.Áýezov, A.Baıtursynov, Sh.Ýálıhanovtyń sózderi qala kóshelerinde, aıaldamalarda, áýejaılarda, aqparattyq monıtorlar men led ekrandarǵa ornalastyryldy. Sonymen qatar «Halyq únine qulaq asatyn memleket» tujyrymdamasyn iske asyrý, halyqty Agenttiktiń «1424 Call-ortalyǵymen» habardar etý jáne qala turǵyndarymen ortaq múdde úshin birlesip qyzmet atqarý maqsatynda bılbordtarǵa «1424 Call-ortalyǵynyń» nómiri ornalastyryldy.

Call-ortalyqtyń operatorlary agenttiktiń qyzmeti týraly suraqtarǵa jaýap berip, sybaılas jemqorlyq faktileri, quqyq buzýshylyqtar jóninde, sondaı-aq kásipkerlik qyzmetke kedergi keltirý jaǵdaılary týraly telefon habarlamalaryn táýlik boıy qabyldaıdy. Atalǵan jumystar kórneki aqparattar arqyly qala turǵyndaryn keń kólemde qamtýǵa baǵyttalǵan.